Pantun Bahasa Banjar

Tema : Kesaktian Pancasila

Kukus api mamanggang nila

Mainan api kalo takana bara

Indonesia baisi Pancasila

Lima sila dasar negara

Tema : Pangeran Antasari

Banyu laut rasanya masin

Banyak urang mancari iwak di sana

Pajuang kita kota Banjarmasin

Pangeran Antasari barnama

Tema : Sungai

Tangah hari liwar panas

nyaman banar makan wadai

daerahku banjar bungas

bagalar kota seribu sungai

Tema : Pemuda

Umai-umai si diyang langkar

nyaman banar mamakan laksa

amun pemuda cangkal balajar

itulah bubuhan panarus bangsa

Tema : Pahlawan Perjuangan

Acil Imah manyungkal sarai

Sagan maharimi uyah wadi

Ganang uy anak muda wahini

Titik paluh pajuang kita bahari

Tema  : Sasirangan

Mangulum gulaan tabatuk-batuk

Bawa minum taguk gulaannya

Amun Jawa baisi kain batik

Sasirangan kami Banjar ampunnya

Tema : Masakan Banjar

Rami dudukan di palataran

Sambil mangarumpi baramian

Amun tangahari parut kelaparan

Nang nyaman banam papuyu bacacapan

Tema : Musim Buah

Acil-acil rami manampi baras

Kakanakan di higa rami banyanyi-nyayi

Balum musim durian tanggalam habis

Langsat lawan tiwadak pulang nang rami